影片
更多
2018-09-14
32 瀏覽
旺角一間雞煲都好出名，喺旺角同油麻地中間位置，總共有兩層，最近好似推出左個陸陸海鮮套餐，可以食雞煲同埋豐富海鮮，以及豐富嘅配菜等等。每位$298 ，份量真係多到不得了！一開始就食咗雞煲先，我哋揀咗少少辣，都算幾入味嘅，而且好多芫荽等配料，令到成個雞煲更加豐富。食完之後就到龍蝦湯，成個煲都要換咗，啲龍蝦味道都幾香濃，所以留意番佢真係落足料，如果海鮮敏感嘅話就要避免啦。海鮮火鍋拼盤，好似大抽獎，睇下最近有啲咩係新鮮嘅就會攞出嚟比客人享用。(鮑魚, 帶子, 象拔蚌仔, 廣島蠔, 蟶子, 蜆, 海蝦, 魚片, 魷魚, 肉蟹) 不設指定我哋呢個拼盤份量都好充足架！一人一件永不落空！鮑魚就夠晒新鮮，仲識郁。帶子都好彈性鮮甜。海蝦仲有分兩個size，真係夠晒多元化了。最特色一定要講下個肉蟹，佢除咗多肉之外，最主要係中間有超級多膏，見到都吸引，食落去味道都好香濃！陸陸雞煲呢一個海鮮套餐仲有好多其他唔係海鮮嘅嘢食，包保你食到飽，分分鐘食唔晒要打包（除非你係大胃王食得晒）頂級牛肩胛, 豚肉牛肩胛同埋豚肉都分量十足，質素唔錯顏色分部都幾均勻。手打蝦丸, 墨丸, 魚皮餃, 雲吞, 水餃, 白菜豬肉餃, 韓式泡
旺角一間雞煲都好出名，喺旺角同油麻地中間位置，總共有兩層，最近好似推出左個陸陸海鮮套餐，可以食雞煲同埋豐富海鮮，以及豐富嘅配菜等等。每位$298 ，份量真係多到不得了！
一開始就食咗雞煲先，我哋揀咗少少辣，都算幾入味嘅，而且好多芫荽等配料，令到成個雞煲更加豐富。
食完之後就到龍蝦湯，成個煲都要換咗，啲龍蝦味道都幾香濃，所以留意番佢真係落足料，如果海鮮敏感嘅話就要避免啦。
海鮮火鍋拼盤，好似大抽獎，睇下最近有啲咩係新鮮嘅就會攞出嚟比客人享用。
(鮑魚, 帶子, 象拔蚌仔, 廣島蠔, 蟶子, 蜆, 海蝦, 魚片, 魷魚, 肉蟹) 不設指定
我哋呢個拼盤份量都好充足架！一人一件永不落空！鮑魚就夠晒新鮮，仲識郁。帶子都好彈性鮮甜。海蝦仲有分兩個size，真係夠晒多元化了。最特色一定要講下個肉蟹，佢除咗多肉之外，最主要係中間有超級多膏，見到都吸引，食落去味道都好香濃！
陸陸雞煲呢一個海鮮套餐仲有好多其他唔係海鮮嘅嘢食，包保你食到飽，分分鐘食唔晒要打包（除非你係大胃王食得晒）
頂級牛肩胛, 豚肉
牛肩胛同埋豚肉都分量十足，質素唔錯顏色分部都幾均勻。
手打蝦丸, 墨丸, 魚皮餃, 雲吞, 水餃, 白菜豬肉餃, 韓式泡菜餃
好多唔同嘅丸同埋餃子，質素都幾好架！特別係手打類別嘅丸口感彈牙調味適中；唔同嘅餃子都有唔同嘅特色味道。
自家炸響鈴, 炸魚皮
呢兩個我哋係咁食！因為炸響鈴係自家製，口感特別豐厚。炸魚皮鹹香十足但係亦都非常適合香港人口味。
鮮菜籃有好多款唔同嘅蔬菜，包括唐蒿、娃娃菜等等，仲有一個係雜菌籃，有超多款唔同嘅菇，不過一般食到呢度其實已經飽晒，如果真係食唔晒可以打包架！
仲有送嘅甜品真係好得意，估唔到新關真係可以食到成個西瓜冰咁，清涼夏日必備。仲有綠茶雪米糍，食完唔使再出去食甜品。
張貼
