更多
2023-02-09
406 瀏覽
📌 川霸王 - 觀塘巧明街94-96號鴻圖中心地下5B號舖🗓(9/2) 星期四 ⏰ 晚上7:30左右 💈特式：今日兩個麻甩佬突然想去叫雞煲食，因為鐘意食夠麻辣，所以就揀間川菜館就最好了，呢間餐廳位於鴻圖中心愛琴坊內個food court，地理位置都方便又唔多人，好適合二三個知已去飲酒食雞煲。🥩🍔🌭🌮🥗🥯🥘🍲🍝🍣🥟🍤🍱食物：今日主力食雞煲，再諗住加叫少少火鍋配料就應該夠食，不過見到呢間餐廳都有提供類似車仔粉麵/酸菜或水煮嘅客飯/香鍋等等，都係賣$5x左右，相信佢lunch時間都應該幾受附近嘅上班族歡迎，而家等我同大家講下🐔🥘味道先。麻辣雞煲(全隻) - 食雞煲我盡量都係會叫全隻，食半隻會唔夠喉，呢個雞煲上枱已經聞到好香，隻雞都幾新鮮，肉質幾嫩滑有雞味，麻辣味亦夠香，不過建議鐘意食辣嘅朋友可以叫中至大辣，會食得更過引。火鍋配料 - 配料另外就叫左1碟美國肥牛，1份灸燒芝士丸同響鈴，仲有1份唐生菜，每樣野分量都有返咁上下，肥牛質素都合格，火鍋料就正正常常，菜亦好新鮮。另外佢仲有唔少火鍋配料/海鮮等可以揀，每款價錢都係幾十蚊左右。☕️🍵🥤🧋🍺🍷🥃🍹🧉🍾🍶🥛飲品 : 食得麻辣雞煲就一定係配啤酒，呢
🗓(9/2) 星期四 ⏰ 晚上7:30左右
💈特式：今日兩個麻甩佬突然想去叫雞煲食，因為鐘意食夠麻辣，所以就揀間川菜館就最好了，呢間餐廳位於鴻圖中心愛琴坊內個food court，地理位置都方便又唔多人，好適合二三個知已去飲酒食雞煲。
🥩🍔🌭🌮🥗🥯🥘🍲🍝🍣🥟🍤🍱
食物：今日主力食雞煲，再諗住加叫少少火鍋配料就應該夠食，不過見到呢間餐廳都有提供類似車仔粉麵/酸菜或水煮嘅客飯/香鍋等等，都係賣$5x左右，相信佢lunch時間都應該幾受附近嘅上班族歡迎，而家等我同大家講下🐔🥘味道先。
麻辣雞煲(全隻) - 食雞煲我盡量都係會叫全隻，食半隻會唔夠喉，呢個雞煲上枱已經聞到好香，隻雞都幾新鮮，肉質幾嫩滑有雞味，麻辣味亦夠香，不過建議鐘意食辣嘅朋友可以叫中至大辣，會食得更過引。
火鍋配料 - 配料另外就叫左1碟美國肥牛，1份灸燒芝士丸同響鈴，仲有1份唐生菜，每樣野分量都有返咁上下，肥牛質素都合格，火鍋料就正正常常，菜亦好新鮮。另外佢仲有唔少火鍋配料/海鮮等可以揀，每款價錢都係幾十蚊左右。
☕️🍵🥤🧋🍺🍷🥃🍹🧉🍾🍶🥛
飲品 : 食得麻辣雞煲就一定係配啤酒，呢度有青島/Asahi/1664/Moo Moo Beer可以揀，如果唔飲酒嘅朋友仔就可以揀佢地嘅樽裝冷泡茶或者各式汽水。
🍽環境：餐廳係food court形式，但都有幾張卡位同四人枱，都坐得幾鬆動舒服，而且呢間餐廳位處巧明街同鴻圖道，地理位置都方便，又無觀塘廣場個邊d食肆咁迫人。
🤵🏻🤵🏻♀️🤵🏻♂️服務：店員服務態度唔錯，一坐低就先介紹雞煲，叫完之後即時奉上圍裙比我地以防我地弄污衣服，都幾貼心，叫野就scan QR Code落單，食物都出得好快，雖然餐廳係行food court路線，但店員都會主動幫忙留意個鍋底有無需要加湯同調較合適火力。
💰💸價錢：叫左全隻麻辣雞煲，1碟美國肥牛同另外3份火鍋配料，唔計酒水埋單都唔洗$500，佢個雞煲份量都夠大，其他食物質素都合格，而且交通方便，價錢都算合理範圍。
🐲💬總結：我覺得呢間川菜嘅麻辣雞煲做得唔錯，亦有其他平價嘅食物選擇，交通又方便，價錢又合理，值得再試。
推薦指數：❤️❤️❤️❤️🤍
麻辣雞煲（全隻）
$268
6 瀏覽
0 讚好
0 留言
張貼
