影片
更多
2016-06-29
719 瀏覽
今日收工約咗朋友仔喺旺角食飯，雖然而家正值夏天，但係其實如果人多嘅話，去食雞煲真係最好不過，呢間陸陸位處於白布街，又近旺角站又近旺角東站，難得又可以即日訂到位，就一行幾個朋友齊齊去食雞煲餐牌：室內環境：點咗雞煲，要微辣，另加好幾款火煱料。陸陸雞煲($218)：點了大size的，其實大同細size嘅分別係用原隻雞定用半隻雞，以我哋幾位都係鐘意食雞煲嘅buddy嚟講，一定要點大size原隻，如果唔係唔夠分。落單大約五分鐘到雞煲就上枱啦，除咗主角- 雞之外，入面仲有好多配料，有芫荽、唐芹、青椒、紅蔥等等，上枱再焗多一陣，店員開蓋再攪匀所有配料就可以開始食啦！今次食嘅雞煲醬汁味道明顯比之前食過嘅雞煲濃郁，而雞肉又好嫩滑，即使煮耐咗都唔覺得「老」，不消半粒鐘，幾個朋友就夾手夾腳消咗個雞煲，等店員放湯再打邊爐。6Luck($54兩杯)：甘啱做緊mixed juice嘅promotion，五十幾蚊有兩杯，同朋友share試下，我叫咗叫6Luck嘅果汁，其實係士多啤梨、番茄加橙汁，呢個配搭都幾有新意，飲落好fresh又唔會太甜，啱晒女仔飲。手切肥牛($218)：去食火鍋點都一定會叫嘅手切肥牛，雪花分明
餐牌：
室內環境：
點咗雞煲，要微辣，另加好幾款火煱料。陸陸雞煲($218)：點了大size的，其實大同細size嘅分別係用原隻雞定用半隻雞，以我哋幾位都係鐘意食雞煲嘅buddy嚟講，一定要點大size原隻，如果唔係唔夠分。落單大約五分鐘到雞煲就上枱啦，除咗主角- 雞之外，入面仲有好多配料，有芫荽、唐芹、青椒、紅蔥等等，上枱再焗多一陣，店員開蓋再攪匀所有配料就可以開始食啦！今次食嘅雞煲醬汁味道明顯比之前食過嘅雞煲濃郁，而雞肉又好嫩滑，即使煮耐咗都唔覺得「老」，不消半粒鐘，幾個朋友就夾手夾腳消咗個雞煲，等店員放湯再打邊爐。
6Luck($54兩杯)：甘啱做緊mixed juice嘅promotion，五十幾蚊有兩杯，同朋友share試下，我叫咗叫6Luck嘅果汁，其實係士多啤梨、番茄加橙汁，呢個配搭都幾有新意，飲落好fresh又唔會太甜，啱晒女仔飲。
手切肥牛($218)：去食火鍋點都一定會叫嘅手切肥牛，雪花分明、牛味濃香，質感又夠滑嫩，唔錯，最緊要價錢非常之低，平時叫一碟午切肥牛至少＄400，呢度走＄200鬆啲就食到。
新鮮脆鯇件($60)：原本見脆鯇切得有啲薄，驚佢冇咗啖啖肉嘅感覺，不過淥熟之後發現原來仲好爽脆，加上吸收咗醬汁嘅味道，令脆鯇更加鮮甜。
鮮菜籃($72)：係時候食飯少少菜，因為冇晒皇帝菜，初頭都有啲失落，唯有叫個菜藍啦，呢個菜藍有齊生菜、油麥菜、蕃茄、鮮冬菇、金菇同粟米，可以滿足唔同朋友對菜嘅需求，同埋最緊要係可以解下膩。
埋單一人＄300到，食到咁多嘢，算係超級抵。
張貼
