影片
更多
2014-07-09
1515 瀏覽
聽聞呢間野係土瓜灣出哂名好食，今日同班同事一行十人專程由大埔去到聚餐。叫左兩個㷛，其中一個蟹㷛，好足料，d蟹肉實得黎夠鮮甜，仲有奶白色嘅湯底，齋飲都好正，睇得出個老細好用心選料，出面食唔到咁好味。另外一個㷛係番茄瑤柱豬骨㷛，湯底係淆左好耐既豬骨㷛，一試難忘，唔係一般嘅味精湯底。打邊爐當然唔少得其他食材，特級肥牛，帶子，鮑魚，手打墨魚丸，QQ齋丸，手製雲吞等等，好多野揀，因為我哋個晚好多人，所以叫左好多款。特別係肥牛，雪花好平均咁分佈係每一塊牛肉上，入口即溶，牛味十足。食哂d餸之後，雖然好飽，但都係忍唔住叫埋多個手打麵，配住好香嘅芝麻醬，正…不時見到鬍鬚叔叔走出黎同d客人傾偈，真係滿足嘅一晚
另外一個㷛係番茄瑤柱豬骨㷛，湯底係淆左好耐既豬骨㷛，一試難忘，唔係一般嘅味精湯底。
打邊爐當然唔少得其他食材，特級肥牛，帶子，鮑魚，手打墨魚丸，QQ齋丸，手製雲吞等等，好多野揀，因為我哋個晚好多人，所以叫左好多款。特別係肥牛，雪花好平均咁分佈係每一塊牛肉上，入口即溶，牛味十足。
食哂d餸之後，雖然好飽，但都係忍唔住叫埋多個手打麵，配住好香嘅芝麻醬，正…
不時見到鬍鬚叔叔走出黎同d客人傾偈，真係滿足嘅一晚
張貼