點鍋

營業中

休息中

第一次食火鍋放題，食出禁濃嘅人情味佢哋嘅員工好貼心，好仔細咁同我介紹湯底、菜式，又會幫手清洗用具。每一台客會送時令海鮮同埋頂級牛頸肩肉，所有嘅海鮮都非常之新鮮、彈牙，唔洗點任何醬汁都已經好好食，而牛頸肩肉雪花均勻，肉味香濃。餐廳其他嘅菜品，都非常之有誠意同有特色，例如即叫即炸嘅鹹蛋黃炸魚皮同紫菜響鈴，上枱嘅時候仲熱辣辣。亦都有唔同特色嘅丸類或者餃子，例如芝士墨魚丸，芝士紫菜蝦蟹餃，都係餐廳自家製作，唔係度度都有。餐廳最近仲新推出左串燒，可以一次過試晒打邊爐同串燒嘅滋味。