新泰東南亞餐廳 (已結業)

上年藍妹同班姊妹食過呢間「新泰東南亞餐廳 」之後，一直念念不忘，想搵日再試。講左咁耐，今次終於約左去另一間分店到試下！🤩果到既環境真係好舒適，啲座位同枱都好寬敞，傾足一晚計都得。幾個女仔，個個都好餓，見到menu好多野都想食。叫下叫下，都叫左唔少。😜—一黎就上左野飲先。芒果沙冰椰青沙冰呢個幾推介，好清甜，又夠大杯，兩個人飲都夠！😆—泰式生蝦藍妹唔太食蝦，但對生蝦又唔反感。呢間既生蝦水準唔錯，冰鎮住既肉質清爽，蝦肉到最後有少少黏口，加上酸辣既汁醬，好正！😍但係一碟先得5隻，份量真係太少啦。😫—因為有姊妹食素，我地都叫左兩個菜。蒜蓉炒貴妃苗呢碟貴妃苗好青嫩，冇任何苦澀味。用蒜蓉炒超級入味，淡化左個菜既青味。😬馬拉盞通菜呢個比起貴妃苗更岩藍妹口味，通菜最緊要惹味！呢個就岩哂啦！馬拉盞既咸度好夠，個個都食個不停。😏—馬沙拉咖喱豬印度薄餅咖喱既賣相好得，味道亦好得！呢個馬沙拉唔辣既，甜甜地，送飯同薄餅都一流。🤤我地密密食，「不」勁多汁去夾薄餅食，好快已經掃哂。—越式燒春雞釀香茅黃飯燒春雞需要時間製作，我地都等左至少45分鐘佢先上枱。未食之前我地已經好期待，因為好少食到呢道菜式。一切開隻春雞，香茅