京滬佳餚 (觀塘銀八) (已結業)

奶奶生日～老細話要食得好啲，但係兩老又唔想去得遠～好彩觀塘駿業街銀八都有啲企理食肆，上次食過一間叫京滬佳餚嘅北京烤鴨都唔錯，知道奶奶鍾意食烤鴨，今晚就同佢嚟食啦！佢嘅烤鴨真係有啲水準，首先係最面嘅脆皮，佢會叫你點砂糖食，就等於好似食乳豬一樣，真係好香脆！🥰不過如果唔鍾意油膩嘅…感覺就會覺得有啲膩！個三支骨又係要一讚！🥳❣️佢慢煮咗條牛肋骨再攞去炸，口感非常豐富～而且牛味香濃！🤩🥩個膏蟹糯米飯又係一絕！！啲糯米飯索曬膏蟹嘅香味隻蟹仲要爆曬膏～今次膽固醇大鑊了……🫣🫣😵‍💫🤣其他小菜同包點都好好食～老細最愛蝦棗小棠菜，每次都十分滿足！！老人家生日飯又點笑得壽桃呢🍑？感覺上，佢嘅蓮蓉非常香，唔同一邊街外嘅壽桃！🍑仲有佢有一位服務員姐姐非常熱情～全程氹得我奶奶好開心！！🥰❣️