影片
更多
2009-05-29
16 瀏覽
上個月偶爾路經如心廣場, 見到呢間新開的食肆門面好靚, 同屋企人"貪新鮮" 去飲茶, 估唔到佢地除左裝修靚, 有得Wi-Fi上網 (題外話) 外, d 點心仲非常精緻, 而且味道不錯. 昨日端午節食做節飯, 決定再帶大班親朋戚友到 V CUISINE試試晚飯的質素。我地一行九人, 叫了八道菜1) 提岸雞絲牙車快其實就係燒雞沙律. 賣相幾靚, 內容就無乜特別喇. 喜歡"嚼草"的人, 例如小妹, 就會喜歡. 雞塊幾香口, 配襯用的醬汁都調得不錯, 酸酸味味的, 非常開胃. (2) 椒絲腐亂通菜因為d老人家唔喜歡"嚼草", 叫左個炒菜比佢地. 簡簡單單, 無乜得別, 不過食得出有鑊氣,唔係炒定晒果d例牌菜.(3) 冬瓜盅小妹超喜歡食冬瓜盅, 好多地方的冬瓜盅都食過, 真正好味的唔多. v cuisine的冬瓜盅雖然唔係好大個, 每人都只係分到一碗, 但味道好鮮好甜, 一丁點味精的感覺都無, 用料食得出很新鮮, 冬瓜夠晒綿.(4) 香草燒羊架羊架7分熟, 加上香草, 香口又唔太騷. 不錯!(5) 醫燒牛肋骨超好食~~肉質夠"淋", 又juicy, 口感極佳. 個汁都好好味, 撈飯都得!(6)
我地一行九人, 叫了八道菜:
(1) 提岸雞絲牙車快
其實就係燒雞沙律. 賣相幾靚, 內容就無乜特別喇. 喜歡"嚼草"的人, 例如小妹, 就會喜歡. 雞塊幾香口, 配襯用的醬汁都調得不錯, 酸酸味味的, 非常開胃.
(2) 椒絲腐亂通菜
因為d老人家唔喜歡"嚼草", 叫左個炒菜比佢地. 簡簡單單, 無乜得別, 不過食得出有鑊氣,唔係炒定晒果d例牌菜.
(3) 冬瓜盅
小妹超喜歡食冬瓜盅, 好多地方的冬瓜盅都食過, 真正好味的唔多. v cuisine的冬瓜盅雖然唔係好大個, 每人都只係分到一碗, 但味道好鮮好甜, 一丁點味精的感覺都無, 用料食得出很新鮮, 冬瓜夠晒綿.
(4) 香草燒羊架
羊架7分熟, 加上香草, 香口又唔太騷. 不錯!
(5) 醫燒牛肋骨
超好食~~
肉質夠"淋", 又juicy, 口感極佳. 個汁都好好味, 撈飯都得!
(6) 鵝肝脆豆腐
叫這個菜, 純粹因為賣相吸引. 小妹對鵝肝興趣不大, 因為怕騷, 所以小妹剩係食左d豆腐, 果然外脆內滑. 媽咪就話d "豆腐涵" 都幾好味, 有uncle就話覺得d鵝肝太少.
(7) 蒸東星斑
條魚好新鮮, 而且蒸得岩岩好.
(8) 金華玉樹麒麟雞
唔知係唔係要配埋d金華火腿一齊食, d 雞好淡口. 一致認為係今晚最令人失望的菜.
食後感:
小妹係非常注重外表的人, 因為食店同食品的賣相吸引, 胃口都特別好.
第一次到v cuisine, 最深刻的就是整間食肆的裝潢, 無論是店面的設計、食具、裝飾用品等都一絲不苟, 連厠所都非常驚喜. 有位經理見我好奇周圍行去睇佢地陳列出來的戲服, 更向我介紹該套戲服的由來.
昨晚雖然是端午節, 明顯知道個廚房超級忙 (因為d 菜都起得比較慢), 但每道菜出來的賣相依然精緻, 小妹真的非常欣賞咁有heart的食肆呢~
張貼
