影片
更多
2018-12-05
736 瀏覽
自問都經常食粥底火鍋，試過好多間，印象特別好都係某一間，今次食左呢間阿爺粥膳八鮮鍋，比起平時食開果間正好多好多，雖然價格係298一位，但真係物有所值！鐘意食海鮮嘅人一定要試，新鮮海鮮果隻。呢間餐廳喺登打士廣場，要喺貢茶旁邊果條樓梯上。平日就唔多人，立眼見到好似有房添，人多可以問下有冇低消。同埋如果唔係食粥底套餐，散叫都好抵食，宵夜時間粥底1蚊，仲有配料都有折，配料分半份/一份，所以人少一樣叫到野。我地點左298蚊一位嘅套餐A，都好豐富，有人頭份量嘅花竹蝦、肉蟹、鮑魚、黑豚肉片、雞件、帶子雲吞、櫻花蝦丸、芝士流心牛丸、豬骨湯貢丸同雜菜，最後有埋一個龍皇母米粥。而家做優惠，只要like同分享佢地個fb page，仲可以每人送多半隻龍蝦，一定like硬啦！首先呢度同其他粥底火鍋都有D唔同之處，皆因佢地先上鍋，但唔會有米水，然後我地就等海鮮上枱。呢盤海鮮不得了，勁霸氣！因為佢地有自家魚缸，所有海鮮都係游水，所以你可以諗到一定係超新鮮！就算冰底，蝦同鮑魚都仲係郁架首先唔洗擔心唔識搞個鍋，因為呢度D店員都好主動，每枱都會親自幫佢地炒起D海鮮，原來呢度係利用雞油，輕輕乾炒D海鮮，落蟹、龍蝦、蝦、鮑魚
同埋如果唔係食粥底套餐，散叫都好抵食，宵夜時間粥底1蚊，仲有配料都有折，配料分半份/一份，所以人少一樣叫到野。
我地點左298蚊一位嘅套餐A，都好豐富，有人頭份量嘅花竹蝦、肉蟹、鮑魚、黑豚肉片、雞件、帶子雲吞、櫻花蝦丸、芝士流心牛丸、豬骨湯貢丸同雜菜，最後有埋一個龍皇母米粥。而家做優惠，只要like同分享佢地個fb page，仲可以每人送多半隻龍蝦，一定like硬啦！
首先呢度同其他粥底火鍋都有D唔同之處，皆因佢地先上鍋，但唔會有米水，然後我地就等海鮮上枱。呢盤海鮮不得了，勁霸氣！因為佢地有自家魚缸，所有海鮮都係游水，所以你可以諗到一定係超新鮮！就算冰底，蝦同鮑魚都仲係郁架
首先唔洗擔心唔識搞個鍋，因為呢度D店員都好主動，每枱都會親自幫佢地炒起D海鮮，原來呢度係利用雞油，輕輕乾炒D海鮮，落蟹、龍蝦、蝦、鮑魚，然後用火槍燒一燒，咁令D海鮮嘅膏逼出，仲會香口好多
炒起之後，店員就會加入龍皇湯底，同其他粥底火鍋唔同，滾起仲可以飲淡湯，好鮮味，完全唔鹹，而且唔洗驚飲左啖湯，之後會淡，因為加湯都係真係加湯，唔係加滾水架，有誠意海鮮唔洗講一定係新鮮到爆，龍蝦肉爽彈，花竹蝦先西利，原價點都要百幾蚊隻，超爽口，肉扎實，蟹夠大隻，蟹膏好香，而且肉多，唔會好削，真心食呢三樣都抵番哂
鮑魚仲係郁嘅，輕輕一淥已經食得，勁爽！
食完海鮮可以繼續打邊爐先，黑豚肉薄身，有肉味；丸類值得一讚，比起其他粥底火鍋，確係更有誠意（可能係因為呢度本身都有做單點啦），質素好好多。蝦丸、雲吞係新鮮包，蝦丸爽彈，兩吞入面有粒帶子，正！至於牛丸同貢丸都唔錯，食得過
菜籃都大方，有油麥菜、娃娃菜同粟米，人頭份量，非常足夠。配埋咁鮮甜嘅湯底，真係好正。
最後見我地食到差不多，店員就送上粥膽、芫茜、菜莆、蔥，滾起個粥就食得，份量超多，兩個人食左7碗幾都仲有淨，盡哂力，飽到上心口！
埋單前仲有甜品，好得意，用雜果做左個西瓜形jelly，食到咁飽，唔會好甜，啱啱好。
西瓜汁係新鮮即榨，完全無渣，而且無加糖水，好甜好正，如果唔想飲汽水，樽裝飲品，28蚊都點得過。
張貼
