八月堂 (已結業)

八月堂自從係將軍澳開左分店之後，就成為東港城嘅排隊點，特別係當接近3pm 有每日限定牛角包出爐嘅時候，條隊特別長架😝上次試過2款味道之後，就心思思好想試其他味，當見到佢有買五送一果一刻，我又俾佢吸引左埋去喇🙈左上：紅粉戀人/ 雪花檸檬/ 朱古力可頌左下：皇家爵士/ 雪花檸檬/ 迷戀卡士達朱古力可頌同迷戀卡士達都有餡，分別係朱古力醬同吉士醬。而雪花檸檬面有啲酸酸甜甜嘅糖霜，同牛角包好夾，仲無咁膩。紅粉戀人同皇家爵士都有脆皮，咬嘅時候都唔會食到碎晒，唔會呢hea。其實八月堂整體水準真係高，雖然接近$20一粒牛角包唔平，如果有買五送一嘅情況下同屋企人開心分享都不失為樂事丫😋