棋哥燒鵝 (已結業)

今日難得同女朋友一齊放假，所以就帶咗佢去個friend介紹嘅棋哥燒鵝啦。因為疫情嘅關係，舖頭好細心用咗啲白色圍板圍住，同隔離枱有一定嘅距離。環境都好乾淨跟住我哋睇吓個Menu啦，眼見價錢比其他少少貴，但係friend介紹得都要試吓㗎啦。棋哥招牌燒鵝，再搭埋個燻蹄$70燒鵝啖啖肉皮脆肉嫩，仲有啲肉汁流出黎燻蹄都OK再點埋佢個酸甜醬一流跟住女朋友嗌咗個叉燒切雞瀬粉$65女朋友話叉燒肥瘦適中，切雞仲俾咗隻雞髀啖啖肉呢個手撕雞雙拼一定要試分別係鹽焗雞同辣雞，雙拼都係$30好抵食總括而言呢間燒味店真係唔錯，個人覺得好過晒其他，值得一試