影片
更多
2019-12-23
921 瀏覽
朋友係甜品控，聽佢講依間小店係由ig店開到實體店，應該都幾受歡迎！之前去同佢去開觀塘，終於有機會一試，店舖係工場形式，但都有小量座位俾人坐低嘆件撻！同朋友試完第一次之後，就愛上依間小店！由於係附近返工，所以有時都會放工去買個撻食。我最愛既撻亦都係佢最受歡迎既2款，分別係一抹同黑點子。一抹 (焦糖抹茶撻)$36抹茶撻比較深色，一咬落去就有濃濃既抹茶味，店主用左丸久小山園若竹抺茶粉，抹茶香濃有甘香味，食落底層仲有自家製既海鹽焦糖醬，有流心效果之餘亦增加左層次感，中和左抹茶既甘味。但可能因為我攞返屋企先食，撻面多左啲倒汗水，影相無咁靚。黑點子 (黑芝麻慕斯撻) $32鍾意麻糬QQ口感既我一試就愛上左依個撻！底層係黑芝麻醬，中間有自家製麻糬，麻糬係較軟糯既一種，但都有煙靭既口感，面層亦都係芝麻慕絲，芝麻味香濃，再加上脆薄撻皮，好味！小店除左撻之外，仲有pound cake, 聽朋友講都好食，下次一定會試下！
之前去同佢去開觀塘，終於有機會一試，店舖係工場形式，但都有小量座位俾人坐低嘆件撻！
同朋友試完第一次之後，就愛上依間小店！由於係附近返工，所以有時都會放工去買個撻食。
我最愛既撻亦都係佢最受歡迎既2款，分別係一抹同黑點子。
一抹 (焦糖抹茶撻)$36
抹茶撻比較深色，一咬落去就有濃濃既抹茶味，店主用左丸久小山園若竹抺茶粉，抹茶香濃有甘香味，食落底層仲有自家製既海鹽焦糖醬，有流心效果之餘亦增加左層次感，中和左抹茶既甘味。但可能因為我攞返屋企先食，撻面多左啲倒汗水，影相無咁靚。
黑點子 (黑芝麻慕斯撻) $32
鍾意麻糬QQ口感既我一試就愛上左依個撻！底層係黑芝麻醬，中間有自家製麻糬，麻糬係較軟糯既一種，但都有煙靭既口感，面層亦都係芝麻慕絲，芝麻味香濃，再加上脆薄撻皮，好味！
小店除左撻之外，仲有pound cake, 聽朋友講都好食，下次一定會試下！
張貼
