文華饕記 (已結業)

呢間野開張食過一次，常餐都瀨野，再食多次晚餐叫過得去，今次再食叫左碗黯然銷魂飯，就唔太想再幫襯。 碗野$58，你出去食碗靚仔叉燒飯收你$58，你期望點都有一兩嚿係半肥瘦咬下。呢碗野多兩隻煎蛋啫，得六粒好乾好鞋的咸叉，個汁好咸浸晒底啲飯。 一路食一路想喊。第一次黎食，叫牛肋條常餐，同牛柳絲咁上下大小的牛肋條唔入味唔淋，蕃茄湯仲衰過清湯加茄汁，因為完全無味。 茶餐廳幾流都有味精湯水，呢度啲野睇唔出有咩心機做。好失望我係因為間鋪的立場而支持，亦因為太難食唔想再食。