居食屋「和民」 (1亞太中心) (已結業)

某日女朋友話想食日本野，但我又唔知邊到有得食，兩個人盲中中行下行下，女朋友突然醒起有間日本野幾好食，就係附近，但諗緊都諗唔到個名，最尾俾我用排除法之下成功醒起係叫做「和民」，知道目的地所以好快就入去食。果時係5-6點幾既尷尬時間，下午茶冇左，唯有叫晚飯，但我又未算肚餓，於是叫左個好似幾好食既三文魚撈飯+紫菜(原名唔記得咗)，味道普通正常，三文魚好少，食食下冇哂三文魚變咗紫菜包飯。仲叫咗一碟三文魚壽司同魷魚包飯，不過冇影到相，值得一提既係魷魚包飯好好食，佢係用一條中空咗既魷魚塞滿類似糯米飯既飯，再切開一個圓圈一個圓圈咁，每片都充滿鮮味，幾好食。