HAND3AG (K11購物藝術館) (已結業)

尖沙咀k11呢一間三文治店之前就已經想試， 今日難得早放就同朋友一齊嚟食個tea ， 佢有set亦都有散叫, set其實好抵食, 有一份三文治一份小食再加嘢飲， 成個set都唔使一百蚊， 所以叫咗三個 set, 分別係拉麵叉燒鐵板三文治， 蝦兵蟹將鐵板三文治同慢條斯理食肉獸鐵板三文治。 佢小食方面可以叫湯，薯條或者沙律， 因為我哋樣樣都想試，所以就每樣叫一份。佢嘅三文治真係超好食，麵包有烤過，所以好脆，配超多嘅料，好好食。 蝦兵蟹將中間係有一個炸蝦餅新鮮嘅蔬菜成個三文治好juicy。慢條斯理食肉獸中間嘅牛肉，非常軟嫩而且keep得個味好好， 用慢煮煮成嘅肉真係冇得輸。至於拉麵叉燒三文治就更有特色，無諗過三文治可以配拉麵同叉燒，感覺好有日式風味，fusion得好好。佢個都係蔬菜湯裏面唔單止有好濃重嘅蕃茄蔬菜味，最重要係有好多料，食完好飽肚。沙律好新鮮，冇得輸。薯條方面本身只有番茄醬，另外加錢配咗一個自家製醬， 我哋揀咗黑松露醬，薯條炸得好脆，配埋黑松露醬好好食，好香。野飲方面可以揀汽水花茶同咖啡，茶係用高級茶包，咖啡方面，朋友叫嘅果香味重咖啡都好值得推介。