影片
更多
2019-04-13
1496 瀏覽
呢排返工比較多野要煩, 收工要食啲特色野慰勞吓自己, 約左好知己去食越南野, 近近地就尖沙咀啦. 去左河內大娘越南餐廳, 呢間餐廳唔大間, 但係好多人, 未到7點去已經坐滿晒啦幾乎.我自己唔太好豬肉, 但係我朋友好想試佢地既 “越南腍肉”, 咁我都試左少少, 原來食落好得意, 細細條, 切左做2斷, 可以見到入面有一粒粒好似啫喱既野, 仲有少少青色既指天椒, 老闆娘怕我地會覺得辣, 都特登同我地講注意有指天椒, 唔少心食左少少指天椒, 好辣! 不過無指天椒既部份, 就微微酸酸地, 好特別, 而且啲 “啫喱” 好爽, 好得意! 老闆娘無介紹錯. 辣辣地, 我地叫左杯 “蓮子龍眼冰”, 好清甜, 好潤喉, 由於天氣太熱, 我明知飲凍野無咁好, 都係要左凍既… 勁足料!!! 好多蓮子, 好多龍眼肉, 陣陣黑糖味! 不過白湘蓮口感有少少爽, 可以煲腍啲再好味啲! 我都試左啖朋友既 “珍多冰”, 都唔錯, 好多黃豆肉, 好有咬口, 聽老闆講講啲野飲都係佢地自己煲, 好有誠意…. 提外話, 雖然係越式餐廳, 但個老闆娘就好似高檔西餐廳既職員咁, 會周圍問大家覺得啲食物好唔好, 滿唔滿意, 充滿誠
我自己唔太好豬肉, 但係我朋友好想試佢地既 “越南腍肉”, 咁我都試左少少, 原來食落好得意, 細細條, 切左做2斷, 可以見到入面有一粒粒好似啫喱既野, 仲有少少青色既指天椒, 老闆娘怕我地會覺得辣, 都特登同我地講注意有指天椒, 唔少心食左少少指天椒, 好辣! 不過無指天椒既部份, 就微微酸酸地, 好特別, 而且啲 “啫喱” 好爽, 好得意! 老闆娘無介紹錯.
辣辣地, 我地叫左杯 “蓮子龍眼冰”, 好清甜, 好潤喉, 由於天氣太熱, 我明知飲凍野無咁好, 都係要左凍既… 勁足料!!! 好多蓮子, 好多龍眼肉, 陣陣黑糖味! 不過白湘蓮口感有少少爽, 可以煲腍啲再好味啲! 我都試左啖朋友既 “珍多冰”, 都唔錯, 好多黃豆肉, 好有咬口, 聽老闆講講啲野飲都係佢地自己煲, 好有誠意…. 提外話, 雖然係越式餐廳, 但個老闆娘就好似高檔西餐廳既職員咁, 會周圍問大家覺得啲食物好唔好, 滿唔滿意, 充滿誠意呀!
我地嗌左個咖喱牛腩配多士, 啲多士點個咖喱汁啱晒, 牛腩食得出係新鮮牛腩黎, 煮得好入味好腍, 正! 不過最好既係啲薯仔, 同好多地方既薯仔唔同, 食落入面係比較乾身, 所以索到晒啲汁, 好正! 係焗薯黎! 不過個咖喱汁唔夠甜, 如果甜少少, 加埋蛋花, 就perfect!
廢事食太多肉, 叫左個 黃金四季豆, 未食就已經好香咸蛋黃味! 啲四季豆啱啱好夠熟, 而且入面好juicy, 不過四季豆我都係覺得乾煸係最好味. 唔知係咪壓力大, 我地都唔夠喉, 叫左個檬粉食先夠飽, 呢個係蕃茄酸辣檬粉, 第一啖食落微酸微辣, 點知再食先發覺原來都有 “X哥” 既3小辣程度! 但係個湯底真係好香, 好多料頭, 見到有蒜片、乾蔥、蔥、洋蔥、芫荽，最緊要係有金不換/九層塔, 好香! 好多肉碎, 啲雞肉塊好滑, 札肉唔洗講, 正, 不過有啲辣, 食完我地都要飲多杯水, 哈哈. 暫時忘記左啲壓力! 食辣野真係好有用!
張貼
