麻辣媽媽 (已搬遷) 新店位置

已到麻辣媽媽吃過好幾次，須然知道這店是有甜品的，但一直「的」唔起心肝試，因我本身不太喜歡吃甜點，加上每次都是有目標而來(口水雞、麻辣田雞煲、辣子蝦...，老闆說口水雞是用新鮮雞及田雞更是即叫即劏，食得出是比較滑及有雞味的，現在連酒樓都用雪雞，這小店的堅持於現在這市道已很難得了)。前幾晚同幾個朋友唱完K又落左去食宵夜，我們三個男人二話不說叫小菜食，但兩個女仕又話夜晚唔食禁多野怕肥～禁就叫佢地試下D甜品小食啦，佢地選左法式焦糖燉蛋及木瓜西米露，估唔到又幾鬼精美，兩位時常周圍去食甜品的女仕說品質也不錯，可比美甜品專門店，價錢不大記得，好似都係十幾廿蚊，算抵食