2+2 Café (已結業)

適逢慶祝家人生日，食自助餐都不失為一個好建議。最緊要係生日蛋糕，可以喺dessert bar度自己砌。呢間buffet價錢適中，魚生方面有即開生蠔，每次只限拎兩隻。當天唔太多人，所以條隊唔長，好快就拎到。另外，三文魚、甜蝦、長腳蟹、青口都係我嘅must eat items! 雖然佢哋嘅鵝肝多士細細舊，一啖就食完，不過勝在量多，出得好快。熟食就唔多講，因為我食得唔多。跟住就梗係要出動我嘅dessert肚。黑茶焦糖布甸、朱古力撻都比較吸引，味道就一般啦。最後食埋雪糕就飽lu～ 呢間自助餐位置方便，喺連接沙田新城市嘅， 去開沙田都可以試吓。