影片
更多
2022-11-02
149 瀏覽
天氣又凍咗，自然又想打邊爐， 今日試咗呢一間打邊爐， 真係有佢優勝嘅地方， 食物質素好好， 又有gimmick，又細心，仲要係無限時，唔怪得咁高人氣， 偉奇旺角瓊華中心嘅馬祖無限時台灣養生涮涮鍋，你一定鍾意。先講環境，地方好企理又乾淨，唔會有壓迫感， 自助區嘢飲選擇唔少，值得一讚嘅仲有熱飲提供，坊間少見，抵讚。鍋底方面，選擇都有十幾個， 服務員都好用心介紹俾我知道人氣嘅鍋底選擇， 好辣嘅我梗係要麻辣啦， 另外加個清清哋嘅椰子雞，兩個都真心好好味。餐廳都會提供餐前小食，呢個仲過癮，係炸番薯條，仲有四種味粉俾你做shake shake薯條， 呢啲咪新意囉， 未到仲幾好添。肉類方面， 牛肉有三種， 分別係Prime Grade既安格斯牛肉同安格斯牛頸脊， 肉味都好夠，值得一提就係佢溶雪做得好好，賣相好靚。 而我覺得最好味嘅牛肉係極級SRF極黑和牛牛肩脊肉，賣相同口感有啲似牛小排，質素非常好，極之嫩滑， 大家睇相一定睇得到， 勁推。至於海鮮方面，我哋試咗蝦，鱔片，鯇魚片，鯇魚腩， 蟶子同沙白， 質素一樣唔會令你失望，用料唔錯。其他選擇方面， 我個人好鍾意鴨血，我前前後後都叫左三碟， 佢嗰個麻辣
先講環境，地方好企理又乾淨，唔會有壓迫感， 自助區嘢飲選擇唔少，值得一讚嘅仲有熱飲提供，坊間少見，抵讚。
鍋底方面，選擇都有十幾個， 服務員都好用心介紹俾我知道人氣嘅鍋底選擇， 好辣嘅我梗係要麻辣啦， 另外加個清清哋嘅椰子雞，兩個都真心好好味。
餐廳都會提供餐前小食，呢個仲過癮，係炸番薯條，仲有四種味粉俾你做shake shake薯條， 呢啲咪新意囉， 未到仲幾好添。
肉類方面， 牛肉有三種， 分別係Prime Grade既安格斯牛肉同安格斯牛頸脊， 肉味都好夠，值得一提就係佢溶雪做得好好，賣相好靚。 而我覺得最好味嘅牛肉係極級SRF極黑和牛牛肩脊肉，賣相同口感有啲似牛小排，質素非常好，極之嫩滑， 大家睇相一定睇得到， 勁推。
至於海鮮方面，我哋試咗蝦，鱔片，鯇魚片，鯇魚腩， 蟶子同沙白， 質素一樣唔會令你失望，用料唔錯。
其他選擇方面， 我個人好鍾意鴨血，我前前後後都叫左三碟， 佢嗰個麻辣配鴨血真係發揮得好好，鍾意食啲樣嘢嘅人絕對會喜歡。
個套餐會包一個雪糕， 除咗大路嘅雲呢拿同朱古力味，仲有我最鍾意嘅蜂蜜合桃，證明呢間餐廳入貨都好有品味。
一個無限時嘅打邊爐放題真係好開心， 好耐都未試過食得咁慢，咁舒服。 有時諗返做人其實應該將節奏放慢一點， 而最愛嘅人享受當下，食餐飯傾下偈，其實已經好滿足啦。
張貼
