影片
更多
2018-10-12
1433 瀏覽
朋友係呢間餐廳嘅熟客，因為佢知我鍾意食蠔，所以佢推薦我嚟觀塘呢一間餐廳。本身無咩期望嘅我，食完之後覺得真係值得推介。今次我哋四人一共叫咗四樣食品，分別係生蠔、青口、鵝肝多士同埋和牛。生蠔生蠔做緊買兩打送一打嘅優惠，所以我哋一共食咗三種生蠔，分別係Harty,Chiron同Majestic。我地一致認Harty係最符口我地嘅口味，既creamy又鮮甜。不過下次黎我會想試JJ Oyster，因為睇落真係好大隻好吸引呀！青口而青口呢就係老闆娘推介嘅，由法國新鮮運到，無需要加任何調味料，青口原本嘅鮮美就已經出哂黎，令我地覺得好驚喜！好快就清哂碟！鵝肝多士食到呢個位已經覺得好滿足，但驚喜一浪接一浪，鵝肝多士好大份，四個人share都夠分！誘惑嘅香氣配上脆嫩嘅鵝肝，十分滋味，價錢都係$2xx，真係十分抵食，強烈推薦！和牛最後就係和牛啦，自己去雪櫃揀完再拜託廚房煮，約$4xx一塊，我地餓得滯order左三塊。想經濟d亦可以揀$2xx嘅安格斯牛扒，豐儉由人。和牛煎得十分焦香，外脆內軟，入口即溶，男朋友十分滿意，話下次要encore。總括黎講，今餐令我地有好大驚喜，估唔到一間小店嘅野食可以咁出色。順便提
本身無咩期望嘅我，食完之後覺得真係值得推介。今次我哋四人一共叫咗四樣食品，分別係生蠔、青口、鵝肝多士同埋和牛。
Harty
62 瀏覽
0 讚好
0 留言
22 瀏覽
0 讚好
0 留言
生蠔
生蠔做緊買兩打送一打嘅優惠，所以我哋一共食咗三種生蠔，分別係Harty,Chiron同Majestic。
我地一致認Harty係最符口我地嘅口味，既creamy又鮮甜。不過下次黎我會想試JJ Oyster，因為睇落真係好大隻好吸引呀！
青口
21 瀏覽
1 讚好
0 留言
青口
而青口呢就係老闆娘推介嘅，由法國新鮮運到，無需要加任何調味料，青口原本嘅鮮美就已經出哂黎，令我地覺得好驚喜！好快就清哂碟！
鵝肝多士
36 瀏覽
0 讚好
0 留言
鵝肝多士
食到呢個位已經覺得好滿足，但驚喜一浪接一浪，鵝肝多士好大份，四個人share都夠分！誘惑嘅香氣配上脆嫩嘅鵝肝，十分滋味，價錢都係$2xx，真係十分抵食，強烈推薦！
和牛
34 瀏覽
0 讚好
0 留言
和牛
最後就係和牛啦，自己去雪櫃揀完再拜託廚房煮，約$4xx一塊，我地餓得滯order左三塊。想經濟d亦可以揀$2xx嘅安格斯牛扒，豐儉由人。和牛煎得十分焦香，外脆內軟，入口即溶，男朋友十分滿意，話下次要encore。
和牛
33 瀏覽
0 讚好
0 留言
總括黎講，今餐令我地有好大驚喜，估唔到一間小店嘅野食可以咁出色。
順便提一提由於得老闆同老闆娘兩個，所以繁忙時間可能要等多陣啦，不過個人覺得等待係值得嘅，下次一定會去試其他蠔架！
張貼
