影片
更多
2019-10-01
334 瀏覽
喺公司附近新開，聽個名嚇一嚇以為食蛇🐍，但查實佢係一間茶餐廳，喺9月中開始都有供應蛇羹等食品。但唔敢食蛇嘅我當然係食佢嘅茶餐啦。3.6北海道牛乳炒蛋早餐 $33呢個早餐顧名思義就梗係有3.6北海道牛乳炒蛋啦，除左炒蛋仲有餐包或牛油多士，可以加$2轉奶油脆豬，另外可選一款麵食。當日冇哂奶油豬，就要左奶油多，麵就揀左叉燒出前一丁轉蕃茄湯。佢嘅炒蛋果然好滑有啲奶香。蕃茄湯就好香濃，都比較甜，啱哂怕酸嘅人。埋單都只係三十幾蚊，食到咁飽，抵到爛。最好笑係我地五個人食左$180,收銀阿姐㩒計數機㩒左兩次都出180之後話，個計數機錯呀。可能佢都唔信5個人邊有可能會食得$180咁抵?😂
張貼
