川香苑麻辣雞煲火鍋 (已結業)

前晚同男友行行下街比我地搵到呢間麻辣雞煲，本身我地係未食過麻辣雞煲一直都好想試，所以就膽粗粗試左呢間麻辣雞煲食店la! 其實我地見呢間既麻辣雞煲好得意wo…可以比你楝要咩辣，結果我同男友唔敢take risk，結果試左個小辣，雖然賣相麻麻，但係食店既火鍋料都ok，平時食開個d都會有，我男友仲幫我叫左我最愛的豬皮，因為平時食車仔麵一定要食佢，同埋我見個湯底個樣好似幾濃幾入味，所以專登叫佢。結果唔知係咪我同男友都係食得辣，個湯底好似唔夠辣，anyway個湯係好麻香同埋濃既，我同男友講: 下次可以試下中辣，再挑戰我地既味覺神經!仲有呀!原來呢間食店係有得叫串燒架，男友都叫左兩串雞翼，個味道都唔錯，有d似譚仔隻麻辣雞翼咁，不過個賣相似去食放題個d雞翼，因為會開邊的，味道都可以接受!值得一試!食左成晚都覺得呢間麻辣雞煲唔錯，不過如果食得比較辣既朋友，我建議一開始試下食中辣!