炯記餐室 (沙咀道) (已改名) 查看

星期天無乜事做，遊車河去咗荃灣，行在橫街巷裹都見到不少人氣小食店和飲料舖，人山人海非常熱鬧。但因天氣太悶熱，就去逛百貨商場涼涼冷氣先。時以5時多，如吃下午茶又不能吃晚餐了，故在6時便開始揾食。過馬路時看見個招牌寫「炯記」，覺得有趣便行近看過究竟。原來是茶室，賣點是鵝油撈麵或飯。太子撈飯即三拼，單叫$46，送例湯：苦瓜瘦肉湯，加$4即套餐送埋熱飲。豬手和切腩炆得軟冧入味，唔肥膩。尤其豬手，啖啖的膠質食落肚，好似皮膚都即時充滿彈性咁。手撕雞是冷拌菜，雞肉滑嫰。唯一挑剔是飯，鵝油+醬油的味都唔濃唔鹹，亦都唔肥，但好似同飯唔多夾，色濃但無味，同覺得啲飯頗乾硬，加埋炸過的蒜粒混來吃就更硬。手撕雞切腩撈粗麵，有葱花湯，加$2可轉例湯，再加$4有熱飲。鵝油+醬油撈粗麵就非常夾，惹味，正過配飯好多。