相馬日式火鍋 觀塘 (已結業)

又黎到觀塘覓食～今次貼地啲同朋友黎到成業街打邊爐，呢間相馬日式火鍋非常就近港鐵站，路痴如我第一次黎都表示好易行👻網上見到呢間火鍋放題普遍評論都唔錯，一於黎鑑定下佢真偽啦😈去到都唔洗點等位好快已經可以入座，環境都唔錯咖，地面乾淨唔會痴痴立立或者好跣咁雪櫃望落都光鮮企理，就算係醬料位都冇話亂七八糟。我地一行肉食性動物主攻火鍋就冇試到佢啲周邊小食，見到都幾多選擇下咖，又有串燒呀炸野同雞翼咁。肉食性動物們都表示食得好暢快，🐷🐮表現都唔錯，個人而言比起牛更推呢到既豬，聽講係用鹿兒島黑豚肉，真係好高質咖❤️‍🔥下次再黎可以試埋佢其他野食