影片
更多
2022-12-29
62 瀏覽
行完工展會再喺附近搵嘢食🚶♀️，我哋沿路行向炮台山方向，轉咗入木星街睇吓，街尾有間餐廳叫「Sticks & Fire」。我哋見好似幾抵食，而且天氣凍食鐵板就啱晒❄️。店舖裝修簡約，光猛乾淨。門口設有高枱，仲可以帶埋毛孩一齊到訪🐶。男店員應該係外國回流返港，講英文為主，不過佢超級友善，主動介紹菜式同回應客人嘅要求👍。餐廳定價大眾化，晚餐價錢由$78至$148不等🍽。雖然呢度無提供小食，但食多份主食都一樣咁平，比起出面餐廳相宜得多。鐵板牛骨髓五花肉配蒜蓉飯($118)，我哋無諗過小店有得食牛骨髓🐮🦴，老實講我從來未食過、亦唔知自己鍾唔鍾意食，但見係呢度招牌菜就即管試吓。牛骨好大條，中間骨髓部份焗完，面層有啲似焦糖脆脆嘅質感，而內裡就充滿油脂香，入口即溶，勁邪惡😈。就咁食可能有啲漏，配飯食就啱晒。另一款餸係五花肉，有成七大件，兼且係厚切🐷，調味帶輕輕甜味。豬腩肉經處理後，減低油膩感，但肉質稍為嚡啲。🍚蒜蓉飯係新推出，餐牌上都未有，米飯粒粒分明，帶蒜香味，但又唔會過重口味。鐵板紐西蘭西冷牛扒配意粉($138)，🥩喺茶記食件扒都要差唔多成百蚊，呢度差唔多價，但仲要有成兩大塊！西冷牛扒品質唔錯，肉味
行完工展會再喺附近搵嘢食🚶♀️，我哋沿路行向炮台山方向，轉咗入木星街睇吓，街尾有間餐廳叫「Sticks & Fire」。我哋見好似幾抵食，而且天氣凍食鐵板就啱晒❄️。
店舖裝修簡約，光猛乾淨。門口設有高枱，仲可以帶埋毛孩一齊到訪🐶。男店員應該係外國回流返港，講英文為主，不過佢超級友善，主動介紹菜式同回應客人嘅要求👍。
餐廳定價大眾化，晚餐價錢由$78至$148不等🍽。雖然呢度無提供小食，但食多份主食都一樣咁平，比起出面餐廳相宜得多。
鐵板牛骨髓五花肉
$118
10 瀏覽
1 讚好
0 留言
鐵板紐西蘭西冷牛扒
$138
5 瀏覽
0 讚好
0 留言
鐵板紐西蘭西冷牛扒配意粉($138)，🥩喺茶記食件扒都要差唔多成百蚊，呢度差唔多價，但仲要有成兩大塊！西冷牛扒品質唔錯，肉味幾濃郁，肉質唔韌，只係邊位有少少肥膏；牛扒配牛肉汁食好搭調。我哋嗌咗五成熟，上枱時生熟度得宜，而且用鐵板上🔥，所以唔嗌咁熟都得。🍝香草辣意粉好大堆，飽肚之選，但我就略嫌麵質淋咗啲。
鐵板霹靂霹靂烤雞
$78
16 瀏覽
1 讚好
0 留言
Chicken Veggie Soup
6 瀏覽
0 讚好
0 留言
飲品方面，餐廳連酒都好抵飲🍷，$50一杯，仲要買一送一！我哋要咗一杯紅酒，但朋友唔飲，就轉咗汽水，餐廳彈性真係好高呢。紅酒我就唔識喇，但呢杯都易入口嘅。
總括嚟講，呢間係食肉獸必食嘅餐廳🍖，每個餐都好足料，大大塊扒，再加大大份意粉或飯！性價比高係餐廳另一賣點，同連鎖扒房價格相若，不過誠意度同味道就高好多。食滋滋鐵板餐唔一定要去食港式豉油西餐或石燒牛，嚟呢度亦得😊。
張貼
