大和牛石燒專門店 (已結業)

最近尼一兩年都開左幾多石燒肉店，so far仲未食過，咁岩附近有間就揀左尼間試下。去個陣係平日lunch time, 全場得我地一枱，所以坐得幾舒服，晤會好重油煙/肉味。晤算好肚餓，而且沙律湯飯任添，所以兩個人只係叫左200g美國安格斯牛柳加個三重芝士漢堡。先上既係隨石板送上既牛柳，一黎就覺得個表面煎得未夠時間，始終個牛柳有反咁上下厚度。雖然侍應話係煮到三成就會上比客用石板繼續燒，又可以自己加海鹽胡椒調味，但温度無爐咁高，最後塊牛柳好似嘥左咁，純粹加熱左同熟反d就食，無迫到d牛脂牛香出黎。可能係我晤識煮啦，或者餐廳可以考慮加d指引係旁邊提醒下客人點煮。三重芝士漢堡幾好，塊漢堡扒好過我自己整既牛柳好多，有味好多。薯條晤夠脆，同好似無調味，就算有茄汁跟都應該要落鹽吊味。整體黎間價錢親民，貼近自己去凍肉鋪買，如果以上可以改善下就更好了。