今次同朋友嚟到旺角嘅「咩記打邊爐」，佢哋主打內蒙直送羊肉，平時食羊好少咁講究，但呢度食羊好似食牛咁可以揀部位，真係長知識啦！🤩 餐廳裝修係舊香港大排檔風格，好多打卡位，而且座位好闊落，坐得好舒服。
🌟 必試羊肉三寶 🌟
店員建議我哋由淡味食到濃味，逆時針咁試晒佢哋嘅羊肉三寶，肉質鮮嫩無羶味，真係好高質！
1️⃣ 招牌羊上腦肉： 每日限量供應！每隻羊只有200g左右。呢個係羊肉最鮮嫩嘅部位，肥而不膩，仲有淡淡嘅奶香味！羊味濃郁但唔羶，輕輕一涮就得，好正！
2️⃣ 招牌高鈣肉： 每隻羊只有600g！口感好似豬耳，因為帶住月牙脆骨，係羊肉唯一食得嘅軟骨。食落啖啖肉又帶點脆骨，口感好特別！
3️⃣ 百日羔羊肉： 取自180日大嘅羔羊尾巴，白雪雪一片。羊味好重，但嫩而不臊，口感好似牛胸爽，有豐富嘅膠原蛋白，我食到停唔到口！
另外仲有挑骨雪花牛，油花平均、肉質鮮嫩，輕輕一涮就入口即溶，肉香四溢！
🦐 海鮮及其他配料 🍢
- 卜卜蜆濃湯鍋： 用沙白蜆同大量蒜蓉，湯底超濃郁，直接放個出前一丁都得！
- 馬鮫魚丸： 好似魚皮餃入面個餡，魚味濃郁，我好鍾意！
- 竹笙： 大大條好過癮
- A4牛筋丸： 牛味濃，咬落去充滿肉汁同油分
🔥 即烤串燒 😋
除咗火鍋，呢度嘅即烤串燒都係另一大賣點！
🐐 招牌經典烤羊肉串： 羊肉肥瘦相間，孜然香唔算突出，反而食到羊肉原味，微焦脂香肉味濃郁。
🐽 豬黃喉串： 東北小串，一口一串好過癮，惹味爽彈，係下酒佳品！
🐖 烤五花腩： 薄薄一片烤到微焦，濃而不膩，Q軟鬆化！
⭐️ 雞脆骨串： 口感爽脆，好有蒙古風味！
