勝八鉄板串料理 (已結業)

Item: 勝八鉄板串料理
Rating: 0
Author: sammilopy

171 食評

味道

環境

服務

衛生

抵食

2321

銅鑼灣

$101-200

日本菜壽司/刺身串燒居酒屋

152

sammilopy

等級4

109

今日下午開學了，停左大半年，再次拎返起本書。放dinner break時碌下個fb，見有朋友食鐵板燒引到我流晒口水，咪whatsapp 話佢太過份啦，知唔知我咬緊白麵包咋，一問之下間餐廳原來好近我上堂個度，咪試下叫佢幫我訂枱，兩位好易搞掂，咁我就專心上埋下半堂然後放學同同學仔去食好野。一去到坐底，店員介紹幾款食物比我試。一眼見到bar枱無人坐，原來大家都係一班人黎食野飲酒傾計，最正的鐵板燒枱竟然無人坐，即刻問可唔可以調過去？可以睇住師傳即叫即燒，由生整到熟，直頭好似睇表演咁過癮。蕃茄沙律新鮮日本溫室蕃茄已經去皮切片，加上開胃柚子汁，清甜的蕃茄配上酸味剛剛好的柚子汁調味，好fresh 呀。香煎鵝肝夠晒厚，外脆內軟，入口甘香豐腴，有油香但無油膩感，配多士同食，多士吸收了鵝肝的精華，份外美味。食刺身，新鮮是最重要的。拼盤入面有油甘魚，甘蝦、三文魚，每樣各兩件／片，全部新鮮，件件厚切。刺身總類根據當日食材而選擇，所以包保新鮮，當然落單前都可以先問下店員今日有啲咩可揀，或者話比佢地知你的喜好。串燒每人三串。師傳建議先食劍魚腩再食鰻魚，最後先食蟹膏帶子。好在有人教路，唔係實亂咁放晒入口

今日下午開學了，停左大半年，再次拎返起本書。放dinner break時碌下個fb，見有朋友食鐵板燒引到我流晒口水，咪whatsapp 話佢太過份啦，知唔知我咬緊白麵包咋，一問之下間餐廳原來好近我上堂個度，咪試下叫佢幫我訂枱，兩位好易搞掂，咁我就專心上埋下半堂然後放學同同學仔去食好野。

6 瀏覽

0 讚好

0 留言

一去到坐底，店員介紹幾款食物比我試。一眼見到bar枱無人坐，原來大家都係一班人黎食野飲酒傾計，最正的鐵板燒枱竟然無人坐，即刻問可唔可以調過去？

可以睇住師傳即叫即燒，由生整到熟，直頭好似睇表演咁過癮。

蕃茄沙律新鮮日本溫室蕃茄已經去皮切片，加上開胃柚子汁，清甜的蕃茄配上酸味剛剛好的柚子汁調味，好fresh 呀。

香煎鵝肝夠晒厚，外脆內軟，入口甘香豐腴，有油香但無油膩感，配多士同食，多士吸收了鵝肝的精華，份外美味。

食刺身，新鮮是最重要的。拼盤入面有油甘魚，甘蝦、三文魚，每樣各兩件／片，全部新鮮，件件厚切。刺身總類根據當日食材而選擇，所以包保新鮮，當然落單前都可以先問下店員今日有啲咩可揀，或者話比佢地知你的喜好。

串燒每人三串。師傳建議先食劍魚腩再食鰻魚，最後先食蟹膏帶子。好在有人教路，唔係實亂咁放晒入口，呢啲就係我鍾意坐鐵板燒枱的原因，最喜歡廚師和客人之間的互動。

三種串燒只簡單地用鹽黎燒，完全係食食物的鮮味，劍魚腩燒過後，肉質結實，油脂分佈平均。
平時食鰻魚都係蒲燒鰻魚多，第一次食鹽燒鰻魚，鰻魚皮燒得香脆，有肉汁但軟滑唔腥。
肥美彈牙的帶子配上甘香的蟹膏味噌醬令帶子更添鮮味。

師傳問我想要幾成熟，我話生啲都OK，最緊要牛肉唔好嚡口，咁佢就揸主意4成熟。見佢好快手，將牛肉略煎就快速將炸蒜片放上牛肉包起切件上碟。牛肉雖然薄，但牛味香濃，蒜片又係勁香口，一啖一件，再叫多碟都應該可以輕鬆食完，真係好好味，推介。雖然有醬汁同上，但就咁食已經好好味，所以我乜都無點過呀。伴碟的蔬菜切得好靚，有花紋，茄子仲變左心形。