利寶閣 (已結業)

每個月嘅呢日都特別心煩，左諗右諗，又唔知好唔好，仲有啲緊張添......講緊嘅係同A姐屋企人嘅Family Day，因為係我負責搵餐廳同未來外父外母食飯，而今日又嚟到喇！多得同事介紹去利寶閣食晚飯，今晚就去到銅鑼灣分店啦！酒樓裝修都幾堂煌，坐得幾舒適架！谷飼叉燒蛋飯利寶閣嘅叉燒好出名，嚟到就叫番碗谷飼叉燒蛋飯啦！叉燒一定要半肥瘦，加上足夠嘅蜜汁，咁樣先會夠腍又夠香，再加上荷包蛋嘅蛋汁、豬油同甜豉油，撈埋個飯嚟食，真係有罪惡感得嚟又覺得好好味！佛跳牆以為佛跳牆會好貴？呢度佛跳牆加埋谷飼叉燒蛋飯仲有套餐價，好抵食！但都無偷工減料，湯底有鮑魚、遼參、魚翅、花膠、瑤柱、花菇等等，所以啖湯真係好甜好濃。而餐廳仲好細心地奉上鮑魚汁配原隻鮑魚，真係睇得又食得。之後，我哋仲叫咗四人餐，除咗足料燉湯，仲有四個菜，夠晒經濟實惠。上湯龍蝦伊麵大大隻龍蝦斬件伴上上湯，好入味，蝦肉新鮮彈牙，但我就最鍾意啲伊麵，索晒龍蝦汁，啖啖都好滿足。帶子賽螃蟹賽螃蟹混入大量帶子，口感一流，加上滑嫩蛋白，配飯一流。脆皮炸子雞炸子雞係另一必食推介！雞皮脆卜卜，雞肉超滑，雖然餐廳備有豉油，但咩都唔點，食原汁原味就最正。蝦籽扒柚皮柚