千両 (已搬遷) 新店位置

之前唔知千両係高級版元氣, 好有心想去試, 食完第一次, 覺得魚生都幾鮮, 環境又清靜, (因為我三點幾去食), 所以印象幾好, 不過有兩樣野令我覺得唔舒服,就係用綠茶粉自己沖綠茶, 同埋要自己出去埋單, 覺得點解一間好似幾高級既餐廳會有咁既服務. 於是再去第二次, 同樣都係去圓方呢間, 不過係食午市, 今次要等位, 不過好快有位.入到去坐迴轉枱, 隔離都係安靜既客人, 好彩! 開始搵食, 但發現無乜野特別想食, 見迴轉帶有炸蕃薯片, 立即取下品嘗, 上次食左炸牛篣, 今次食埋呢個, 不過不失. 食左幾碟壽司同葱吞拿魚手巻, 都唔錯, 還叫左海鰻, 點知見到包醬汁竟然係元氣, 才恍然大悟, 唔怪得會有綠茶粉同自己去埋單啦. 於是叫左個燉蛋, 點知非常失望, 都係元氣好食d. 食完之後, 得出一個結論 --- 既然有心想做高級版, 就唔該佢連服務都轉高級d, 轉d唔轉d, 好唔match呀, 同埋價錢貴得太多, 唔係幾抵, 我真係寧願食番元氣好過, 又好食又抵. 論新鮮都係 “板x” 系列餐廳新鮮.隔離客埋單, 嚟左一男一女韓國人, 樣貌娟好, 點知食食下, 個女既係度大聲講野