Deli and Wine (已結業)

一向都係simplylife同deli呢兩條line餐廳既粉絲（雖然都係美心架喇）其實剛開業時成日去食，當時無咁多人又無咁嘈，有書睇，好多design既書放響度做裝飾我就借黎睇，飲下野靜靜地幾好Hea。環境舒適，扮下文青。雖然要self services(咁已經少左班港女客😂👍🏻，後黎就覺得少年實在太年輕⋯⋯啲港女黎影相打卡因為裝修靚😑），咁夜成9點幾仲好多人⋯⋯野食呢，因為佢地其似快餐形式所以用好多即棄餐具😑食品賣相當然都唔夠靚啦，但廚房響出面可以睇住佢即刻整都幾好，好味就得啦。食品品多叫左個茄汁蝦扁意粉，飲焦糖咖啡，朋友仔個漢堡包配薯條（佢唔係學人減肥呀？）漢堡包餐份量唔大，個包有啲燕麥響包面包身略硬，漢堡肉唔算大但都超過一厘米厚既⋯⋯芝士大片但唔溶既。薯條反而幾好味外脆內軟唔油。茄汁都有啲茄肉味道唔錯唔太酸又唔死甜，蝦唔算新鮮唔夠爽，可能油爆時油唔夠熱，意粉對我黎講軟身左啲。今日杯焦糖咖啡就麻麻地唔夠焦糖香。可以真係多人做唔切，煮唔番以前啲水準🙄