TORIO喫茶部 (已結業)

話說一早俾呢間日式咖啡館既裝修吸引左，不過好怕淨係裝修靚，野食唔好食🤨🤨🤨今晚約咗閨蜜傾密計👭👭，即刻諗起呢間咖啡店，前一日一早打定電話去book枱，點知侍應同我講話full晒喎，我問如果我好早嚟到係咪都冇位座，佢話係架！點知今日一早上到去，都係得一兩台客人，直到我哋食完野走人，都仲有好多位淨，不過侍應最後都有安排個位俾我，但搞到我一收工就跑黎呢度😫😫😫😫哩度嘅環境無可厚非真係好似日本嘅咖啡館，影相打卡絕對唔會令您失望呢度首先要俾錢買左嘢食先既，晚餐menu款式唔多，得四樣野，最後我揀咗咖喱雞飯，朋友揀咗麻醬冷麵😝😝😝個賣相係幾靚嘅，因為有好多野菜，配埋咖喱雞，中間就係白飯，色彩繽紛，忍唔住即刻試吓啲咖喱雞先，點知咖喱雞冇咖喱味，溝得勁淡，敗筆，啲白飯我覺得太淋了，所以食咗半碟就冇再食嚕。至於朋友麻將冷麵我就冇試，不過朋友話唔好食😞😞至於杯嘢就無咩特別。。。呢度環境雖然好靚，不過坐得唔舒服，又係一間淨係黎一次既餐廳😖😖😖😖