登堂 (已結業)

原本係打算食佢樓上的餐廳,但因為太多人，等唔到位，於是就去呢間登堂試下。我地一行七人，一開始個侍應俾左個位我地係完全冇燈，仲要係幾張好細既圓枱仔拼埋既，要用電筒先睇到個menu。之後我地要求轉枱先ok.野食其實都ok，但服務真係非常強差人意，由入座開始，侍應既態度已經有少少串。以為呢度只係一間普通餐廳，但佢連水都唔提供，要買枝裝水，成個感覺係覺得呢間餐廳根本未去到要人用錢飲水既程度。另外有朋友飲完水放返隻杯時，個侍應剛好上菜，隻杯撞到碟餸，個侍應個態度好似想鬧人咁，黎食飯都要受氣，就算啲野食幾好食，都冇下次。講返野食先，個串燒拼盤係幾多款式，味道都唔錯，醬汁都惹味。三文魚藜麥沙律，三文魚有啲細舊，味道一般般。白汁青口啲殼好大隻，個汁係幾creamy,點蒜蓉包好食。魷魚白汁意粉，味道正常，魷魚食得出幾新鮮。Ribs個醬ok,但肉有啲鞋。埋單七人食左一千六百幾。都還可以，但服務咁差都唔會有下次了。