泰妃雞 (已結業)

我住係灣仔, 星期六日, 一定係灣仔食... 最喜愛食海南雞飯, 因為個汁好食同個雞好滑, 所以多數去泰妃雞 or 味皇(近街市)到食. 泰妃雞有兩間，細的係活道, 大的係三角街.咪道方面, 兩間都差不多, 但服務呢... 真係三角街的比較差.上次星期六放工, 返到灣仔食飯, 都已經3點. 我同女友去到泰妃雞三角街那一間.我叫左個海南雞飯+特飲, 女友叫左個冬陰公湯粉+凍檸檬茶...收返張單, 計多左$2, 同個服務員講, 個男收銀哥哥話: "計多左$2姐... 咪改返張單lor" 跟住就好悔氣咁拎左張單去改, 然後好大力咁飛返果張單落張檯到...然後, 我落單果陣時話要凍檸檬茶走甜，點知唻果陣係冇走甜，我都諗緊係咪聽唔到，如果係都諗住算，反正食埋呢餐冇下次，我就拎張電腦單唻睇，發現張電腦單係有寫到走甜，咁我咪同佢講返話佢整錯左，今次輪到個女服務員，佢先唻一句: "下... 你飲過喇喎..." 我話: "唔飲過點知你整錯, 張單真係有寫走甜喎..." 跟住算數啦, 好快咁食完, 以後唔再去三角街這一間....