影片
更多
2011-10-21
60 瀏覽
一家五口(包括菲傭)去食晚飯, 居然唔使等位, 大喜!!坐低嗌咗燒烏頭(好滑, d汁好好味, 屋企真係整唔到), 半打雞牛串燒(牛肉較un, 但重點係d醬汁, 好正!!), 燒飯(好香, 好味), 巴東牛肉(夠腍, 唔會痴牙), 講明條魚要等, 所以耐心等候.等咗好耐, 眼見我地條魚居然游咗去第張枱, 嗰張枱仲要係遲過我地嚟, 又遲過我地落order, 即刻問明原因, 原來有個waiter 上錯枱, 叫我再等多一陣.串燒好味, 再叫半打, 不過今次要雞豬(因為牛肉較un), 點知嚟錯, 又係雞牛, 叫佢地幫我換番, 點知個經理諗咗兩秒, 就話我個工人唔食得豬, 牛咪仲好!! 咁即係唔想換啦. 我即刻火都嚟埋, 我話個工人係菲傭, 可以食豬肉, 我啱啱試完牛肉, 覺得好un, 所以今次先叫豬, 結果佢無奈收番起三串牛, 話幫我燒番三串豬, 叫我再等等, 等咗一陣, 就見個waiter 攞住一碟串燒(咁啱又係三串) 放响我對面張枱(成枱猛男), 我心諗, 唔係又上錯枱啩, 再過多十幾分鐘, 我地等到所有嘢食晒, 都未見三串豬, 我就同老公講唔等, 叫佢埋單, 取消三串串燒, 結果個經理
坐低嗌咗燒烏頭(好滑, d汁好好味, 屋企真係整唔到), 半打雞牛串燒(牛肉較un, 但重點係d醬汁, 好正!!), 燒飯(好香, 好味), 巴東牛肉(夠腍, 唔會痴牙), 講明條魚要等, 所以耐心等候.
等咗好耐, 眼見我地條魚居然游咗去第張枱, 嗰張枱仲要係遲過我地嚟, 又遲過我地落order, 即刻問明原因, 原來有個waiter 上錯枱, 叫我再等多一陣.
串燒好味, 再叫半打, 不過今次要雞豬(因為牛肉較un), 點知嚟錯, 又係雞牛, 叫佢地幫我換番, 點知個經理諗咗兩秒, 就話我個工人唔食得豬, 牛咪仲好!! 咁即係唔想換啦. 我即刻火都嚟埋, 我話個工人係菲傭, 可以食豬肉, 我啱啱試完牛肉, 覺得好un, 所以今次先叫豬, 結果佢無奈收番起三串牛, 話幫我燒番三串豬, 叫我再等等,
等咗一陣, 就見個waiter 攞住一碟串燒(咁啱又係三串) 放响我對面張枱(成枱猛男), 我心諗, 唔係又上錯枱啩,
再過多十幾分鐘, 我地等到所有嘢食晒, 都未見三串豬, 我就同老公講唔等, 叫佢埋單, 取消三串串燒, 結果個經理即刻幫我check 下點解, 仲大聲話嗰個waiter上錯枱, 然後二話不說, 從猛男張枱就咁攞走嗰三串串燒返入廚房, 仲叫我再等多一陣, 唔係啩, 唔通佢打算拎入去再燒多陣,然後俾番我地食???
所以我再催佢埋單, 話唔等三串串燒la, 果然, 個經理即刻入廚房攞番三串串燒俾我地, 我都費事同佢嘈, 照埋單, 豪低三串串燒俾佢!!!
咁都做得出, 就算d嘢幾好食, 幾抵食, 我都唔會再幫襯!!!
張貼