Nathanhouse (已結業)

今日同家姐去咗食西班牙菜，呢間餐廳之前經過覺得好靚，所以就打嚟約咗今日食晚餐。雖然呢度食物嘅選擇唔算話好多，但係有好多野我哋都好鍾意食，所以我哋揀咗個前菜主菜同埋飯。一坐低佢哋已經拎左啲新鮮熱辣辣嘅麵包俾我哋，一款係葵花籽包而另一款就係提子乾包，一款包係比較脆，一款包就比較軟熟，兩種嘅味道都好好。我哋叫咗個伊比利亞火腿作為我哋嘅前菜，佢係用咗48個月嘅豬肉整嘅，可以睇得出佢嘅油花好多，味道好甘香，仲可以夾埋啲蜜瓜一齊食。呢個係燒西班牙乳豬配羽衣甘藍，乳豬係用咗慢煮同埋烤焗嘅方法黎煮嘅，所以乳豬皮整得好脆，而且入面嘅肉鬆軟多汁，我特別鍾意食佢個醋，可以釣到豬嘅肉味。我哋仲叫咗個西班牙海鮮飯，入面有好多海鮮，包括有魚、蟹腳、魷魚同埋青口等等...味道好鮮味，而且個西班牙飯仲大有啲酒香。最後我哋仲叫咗個甜品tiramisu, 賣相整得好靚，味道唔係好甜，而且呢度啲甜品都係師傅自己整嘅，所以好好味。