首先，一上到去就係咁sell啲菜式，我地表示唔感興趣就即刻皺晒眉頭，開始唔耐煩咁。之後全程都係黑口黑面，皺眉頭。
其次，上菜時間慢，食到極冇心機。
第三，漏單。食到尾聲我地見個菜都未到就請職員幫我地睇下係咪漏咗，口講話幫我地睇，過多十幾分鐘之後走黎我地張枱前面嗌對講機，問我地個菜有冇整到，問完再同我地講「你地睇到啦，我幫你地問咗啦」（又係黑口黑面），極奇怪。
跟住大家可以一齊黎欣賞下啲餸菜：
1. 砵仔焗魚腸
有啲腥，我食唔到腥嘢所以我唔鐘意，有食到腥嘅朋友話可接受
2. 豉油王鵝腸
一啲都唔入味，白烚完淋啲豉油都濃味過佢，下面伴碟啲芽菜連汁都冇多滴，淡茂茂。
1
3. Wasabi京蔥炒肥牛
賣相都唔吸引，肥牛好似凍肉鋪啲平價肥牛，京蔥有好多都唔夠熟，食落好辣，整體都唔好食
4.豉油雞
呢個算係最好食，雞肉嫩滑，但價錢要$406，略貴
整體：
價錢貴，同質素唔成正比。服務態度差，比錢買難受。唔會再幫襯
