曼谷泰菜 (珠璣大廈) (已結業)

本身呢間泰國野都已經黎過幾次，感覺上都ok。不過今次真係最差既一次，服務差到完全無意欲再黎。。。味道其實食物既味道我覺得都唔差既，係D野飲真係幾甜。不論係凍龍眼水定D熱既乜乜蜜都係好鬼甜。服務完全係失敗中既失敗。首先，落兩份一模一樣既餐，第一份上完到第二份上菜最少等我十幾分鐘。我成枱人都食完都未上到第二份呀！到上完份餐啦，我問佢要D調味料，問完兩個侍應，兩個都話攞俾我，結果兩個都無下文。算啦，我就咁食啦。一路食就一路聽住佢逼隔離枱埋單。人地果枱仲成枱都係野食嫁，你想番枱都唔係咁樣趕客掛。到我真係食完叫埋單啦，簽完卡個侍應竟然連卡帶單走左去，唔叫佢都唔知自己做錯咩咁。一句都尾就係一次神奇既體驗。價錢平均六十蚊再加一，都算一般價錢，但食物唔係特別吸引同服務真係唔好就真係搞到我無興趣再黎。