影片
更多
2010-05-04
10 瀏覽
是晚相公跟佢buddy + buddy's 夫人相約了一齊買*玩具*, 而本魚, 緊係跟埋去望下買D咩新*玩具*咁興奮啦~ 相公buddy 問我有咩地方食牛扒...即上openrice search...花園? NO....哦? Mr. Steak Cafe @ 朗豪坊? 既然係附近, 就去Mr. Steak Cafe 食晚餐也.我地一行4人...一坐低, 侍應姐姐即放低水, Menu + 一藍麵包, 咁快手地放低包包, 等到我地叫完餐, 再等湯黎先一齊食既包包未凍晒囉? 唔...當叫完餐, 食包包時, 已微暖了...都算鬆軟, 但本魚都係鐘意熱辣辣既包包囉...講返食物:- 本魚+buddy 's 夫人了同一款龍蝦和牛套餐 (侍應姐姐話HSBC credit card 個套餐做半價, 原價$328, 依家$164+10%, 都幾抵喎)套餐有: 頭盤 - 凱撒沙律, 沙律算新鮮, 菜脆口, 汁既份量也夠, 可以 湯 - 忌廉南瓜蟹肉湯, 湯只嚐到濃濃忌廉, 而南瓜味不太突出..而蟹肉有小2舊..味咸肉乾~ 主菜: 龍蝦和牛扒, 龍蝦有一整隻...但係味咸, 肉梅+腥...超唔新鮮
相公buddy 問我有咩地方食牛扒...即上openrice search...花園? NO....哦? Mr. Steak Cafe @ 朗豪坊? 既然係附近, 就去Mr. Steak Cafe 食晚餐也.
我地一行4人...一坐低, 侍應姐姐即放低水, Menu + 一藍麵包, 咁快手地放低包包, 等到我地叫完餐, 再等湯黎先一齊食既包包未凍晒囉? 唔...當叫完餐, 食包包時, 已微暖了...都算鬆軟, 但本魚都係鐘意熱辣辣既包包囉...
講返食物:-
本魚+buddy 's 夫人了同一款龍蝦和牛套餐 (侍應姐姐話HSBC credit card 個套餐做半價, 原價$328, 依家$164+10%, 都幾抵喎)
套餐有:
頭盤 - 凱撒沙律, 沙律算新鮮, 菜脆口, 汁既份量也夠, 可以
湯 - 忌廉南瓜蟹肉湯, 湯只嚐到濃濃忌廉, 而南瓜味不太突出..而蟹肉有小2舊..味咸肉乾~
主菜: 龍蝦和牛扒, 龍蝦有一整隻...但係味咸, 肉梅+腥...超唔新鮮...嗚~ 半價就係咁? 唉....而牛扒, 肉味算濃..但真係和牛嗎? 唔... 而汁用了日式既醬汁, 味帶甜, 都可以.
相公+buddy 叫了同一款aberdeen 40days prime rib eye steak $308 + 10%
頭盤可選擇湯or 沙律, 相公+buddy 各選其一, 湯 - 龍蝦忌廉, 相公的, 相公話味道咸了點, 而且落了太多忌廉盍過了龍蝦湯既味道, 而沙律 - menu 寫上係煙鴨胸薯仔沙律, 上枱, 哦? 變了煙三文魚既? 我地以為我地睇錯, 於是叫侍應姐姐比menu 我地睇下, 究竟係咩呢, 一望menu, 係煙鴨胸唔係煙三文魚, 於是問侍應姐姐, 她也再問經理, 答覆係, menu 寫錯了..侍應姐姐係唔係要係落order 前提返D客人呢?
主菜 - aberdeen 40days prime rib eye steak, 肉味算濃, 但以咁既價錢可以有更好既牛扒吧?
另叫了side dish 薯條 - 反而呢樣好味, 剛炸起, 外脆內軟, 又夠薯味.
甜品: 其實侍應姐姐上枱時講得太快既關係, 聽唔清楚甜品之名字, 不過算, 見個樣好似可以就試, 本魚用匙羹整開, 要用好大力...因為好硬...放入口...唔...味道超怪...好重既忌廉味=完全無甜味...感覺好怪既味道, 入面有好似朱古力biscotti既物體, 要連埋一齊食先還可以, 齋吃白色個部份...超唔掂... 本魚+buddy 's 夫人食了2口就放棄了.
總括服務普通, 食物也普通, 以咁既價錢, 本魚唔會再去呢...
張貼
