八幡屋涮涮鍋 (已結業)

今晚我同朋友來到瓊華中心既八幡屋涮涮鍋食晚餐，店鋪面積好大，地方好闊落，座位多。食物種類多。有海鮮、肉類、炸物等。我地叫左個刺身海鮮火鍋之盛宴C3 澳洲M5和牛餐😊🥰如果預早訂位就可以有晚餐買一送一😋我地叫左個壽喜燒湯底，醬汁香甜，好香濃！滋味！令人好期待一陣既食物。上菜速度算快，好快有幾樣野食，之後落單掃QR code好方便😉🍱刺身拼盤 - 甜蝦、希靈魚、三文魚、帆立貝，螺肉刺身鮮美可口，肉質嫩滑，新鮮，甜蝦肉質綿延，好推介，希靈魚有望落吸引淺黃既魚籽，爽脆，三文魚淡香，食落軟滑，帆立貝新鮮帶甜，螺肉十分鮮甜💯🐟海鮮拼盤 - 海蝦，八爪魚，扇貝、蜆，黃金螺，蟶子扇貝新鮮大隻，口感醇滑，柱肉厚身食落好香口，蜆肉富有彈性，好有鮮甜味，蝦比較稔，色澤透明新鮮，有海水味，聖子好大隻，比較扁身，好新鮮，八爪魚好彈牙，好好食👏👏黃金螺好新鮮😉🐂澳洲M5和牛，好鮮美，牛肉質素好好！牛霜降好完美，油脂豐富，口感嫩香，超好食🎊除此之外，🍤🍢炸物、串燒、火鍋配料任食🥹炸物香脆，串燒好多選擇，呢餐實在太抵，食得好滿足✨💯