三門仔漁港 (已結業)

星期六和老公去慶祝週年紀念，去了三門仔食海鮮，真係好差。我們叫了白灼花螺，冰陣鮑魚，燉螺湯，白灼墨魚。先唔好講上菜次序全錯，食海鮮無鮮味絕對係死罪。我從未食過咁細的花螺，連殼都細過手指尾的指甲，好似食緊BB一樣，很殘忍。燉螺湯一些螺味都無，如同飲滾水，螺肉又梅。最失望就係個冰陣鮑魚，口感似食鵝肝，又粉又梅又黑，仲要無鮑魚味。叫個經理來試一件，他試也不試就答:「澳洲鮑魚係咁，係咁林，呢d唔係乾鮑，師傅都話係無問題。」我答佢就算煲湯鮑魚都有味和不至於梅。他堅持話澳洲鮑魚係咁…」語氣和態度都很差，完全不接受食客的意見。我明白「一分錢一分貨」的道理，但隻冰陣鮑魚收我$588。求其買罐$300的罐頭鮑都有味過這碟收我$588的所謂澳洲冰陣鮑魚，最後只食了二塊就整碟不要了。我和老公決定以後都不會再去三門仔這間海鮮店食。食物質素，服務態度，全部都好差