更多
2017-10-29
152 瀏覽
尖沙咀一向多嘢食,今次同朋友去到天文臺道附近見到一間地舖《八居酒屋》,餐廳門面開陽,見到餐牌上嘅食物都幾適合我哋,即刻入去試吓。店員安排我哋坐近門口位置,而且出面泊車非常方便,一邊食一邊睇架車,唔使提心吊膽。餐廳嘅黑板上寫著推介食物,而餐牌上亦都有多款食物選擇,我哋隨即揀咗幾款小食嚟食。「明太子燒飯團茶漬」飯團燒香後,放入一碗茶漬入面,脆卜卜嘅外皮飯團再配以紫菜條、可可脆米同埋葱粒等等一齊食,更有口感,又濕又乾嘅質感非常特別。「串燒雞翼」一客有兩隻,雞翼肉剪開哂燒好,食落去非常香口,肉質鮮嫩,正。「仙台牛舌厚燒」 牛舌份量多,而且燒得好香口,牛舌好大塊切開成一片片,中間呈現粉紅色,食落去好爽口。「網燒安格斯肉眼」對於牛魔王嘅我,牛扒燒得剛剛好,七成熟,入面鮮紅色通透,不用點任何醬汁已經好夠味道。除此之外,另外再叫左「明太子牛油炒蘆筍」同埋「炸雞稻庭烏冬」,食完已經好滿足了,好飽肚。食咗咁多野,最後埋單都只係$600左右,食物質素高,而且非常新鮮,值得一試。
店員安排我哋坐近門口位置,而且出面泊車非常方便,一邊食一邊睇架車,唔使提心吊膽。
餐廳嘅黑板上寫著推介食物,而餐牌上亦都有多款食物選擇,我哋隨即揀咗幾款小食嚟食。
飯團燒香後,放入一碗茶漬入面,脆卜卜嘅外皮飯團再配以紫菜條、可可脆米同埋葱粒等等一齊食,更有口感,又濕又乾嘅質感非常特別。
一客有兩隻,雞翼肉剪開哂燒好,食落去非常香口,肉質鮮嫩,正。
牛舌份量多,而且燒得好香口,牛舌好大塊切開成一片片,中間呈現粉紅色,食落去好爽口。
對於牛魔王嘅我,牛扒燒得剛剛好,七成熟,入面鮮紅色通透,不用點任何醬汁已經好夠味道。
張貼