影片
更多
2008-04-29
119 瀏覽
一個三千蚊既十人席,食得大家好滿意,抵讚!最impress我卻係每道菜既賣相,做得十分精緻,連碗碟食具都特別過人,例如一道上湯煎餃子,一隻幼身葉形長碟,葉子一邊放一小盅上湯,中間放兩件小巧煎餃子,吃時將餃子浸一浸上湯,脆中帶香,不油不膩,作為甜品前一道菜,為其他菜式劃上句號,很好,比其他酒樓以飯或麵作結更佳!話說回來,由頭開始講番其他菜式…先係點心拼盤,一個拼盤有三款點心,但係竟然都一小碟一小碟咁分三次上,食完一樣到一樣。有個黃金炸豆腐,一碟四件,細細件,好香好脆,真係做到外脆內軟,個心既豆腐好滑,切開食時仲係熱(其實細粒到唔使開食,不過我切開黎睇睇個心),皮薄又脆,食完先知原來呢道芓式曾得獎,怪不得!果然實至名歸!之後係蟹王菜苗餃,竟然用蒸籠上!一籠一隻餃, 菜苗餃做得精緻,皮軟而薄,餡有好多菜絲,仲有唔少蟹肉,清淡得黎好味。最後係蘿蔔絲酥餅,反而呢個同坊間其他酒樓差唔多,但係無咁油膩,清一點。跟住係南茸海皇羹,呢個個賣相先犀利,竟然係原個小南瓜上,仲有埋蓋,十個人就有十個小南瓜!可惜我唔喜歡南瓜味,但係佢就南瓜味十分濃,相信嗜南瓜者必食!所謂海皇,真係有唔少蝦,真材實料!略嫌質地太
話說回來,由頭開始講番其他菜式…
先係點心拼盤,一個拼盤有三款點心,但係竟然都一小碟一小碟咁分三次上,食完一樣到一樣。有個黃金炸豆腐,一碟四件,細細件,好香好脆,真係做到外脆內軟,個心既豆腐好滑,切開食時仲係熱(其實細粒到唔使開食,不過我切開黎睇睇個心),皮薄又脆,食完先知原來呢道芓式曾得獎,怪不得!果然實至名歸!之後係蟹王菜苗餃,竟然用蒸籠上!一籠一隻餃, 菜苗餃做得精緻,皮軟而薄,餡有好多菜絲,仲有唔少蟹肉,清淡得黎好味。最後係蘿蔔絲酥餅,反而呢個同坊間其他酒樓差唔多,但係無咁油膩,清一點。
跟住係南茸海皇羹,呢個個賣相先犀利,竟然係原個小南瓜上,仲有埋蓋,十個人就有十個小南瓜!可惜我唔喜歡南瓜味,但係佢就南瓜味十分濃,相信嗜南瓜者必食!所謂海皇,真係有唔少蝦,真材實料!略嫌質地太杰,頗糊口。
然後係唔知什麼海蔘,我唔識食,又唔係十分好海蔘,所以no comment,只係覺得又係咁,唔係難食就得,無乜所謂。
然後有一味係用一個食得既兜仔做碗,裡面裝兩隻大帶子,兩舊西蘭花,同樣唔油,好味,帶子仲好好地添!個兜都好脆呀!係味道淡左一點…
再黎係上湯浸時蔬,呢味真係清喇,都好呀,好多菜,上湯又香,一人一個小扁鍋上,女士岩晒!
再上埋前面提到既上湯煎餃子之後,就到甜品登場,分別有西米合桃露同埋一碟兩小件既糕點。合桃露好香合桃味,落合桃都應該幾重手下,加左西米又幾有特色,不過西米又真係無味既…合桃露做得唔會太杰,幾好; 糕點有杞子桂花糕同埋奶皇卷, 桂花糕係心型,好靚,似喱,味道咁,仲有唔少杞子架,我喜歡! 奶皇卷味道同口感都似糯米,比較普通。
整體而言,食物好得!但係上菜太太太太慢,食完一道又要等,催左佢快d都係慢,係呢一點唔得!
張貼