Tipsy Tap (已結業)

好耐無去過飲手工啤既餐廳，男朋友對啤酒都有啲研究，今日就係OpenRice search 到佐敦有一間。位置有少少唔方便，但就遠離煩囂，適合想放鬆chill 一 chill。去到各叫左一杯手工啤，我左要3號Fruli Strawberry，男朋友叫左10號Tipsy GPT 2.0. 我個杯好甜好易入口，好似飲緊有汽果汁咁。男朋友個杯就好重啤酒花味，有少少澀。大家都唔鐘意對方個杯🤣 果然手工啤口味係好個人。我地黎順便食埋晚餐，就叫左Tipsy雞翼、芝士煙肉安格斯牛肉漢堡同炸魷魚。炸魷魚好香，即炸出黎熱辣辣既。雞翼有少少辣，不過係平時唔食辣既我都食到既程度。配左個芝士醬，都好好食。漢堡好足料，個牛肉係手打既，勁厚！以酒吧黎講食物質素好好。