利寶閣 (已結業)

黎飲宴，先唔講活動搞得好唔好玩，呢個唔關酒樓事，講設備啦更係！6-8圍野黎講地方ok四四正正，可惜電視太少，播片唔夠清，個台就唔係好大，只可講細有細做。去番野食，餐單正常飲宴野。乳豬唔錯，肉質幾好，可惜略肥，有塊包比你搭一搭夠冇咁油！第二味足料而且炒得唔錯，飲宴最緊要夠分丫嘛！呢個有驚喜，擺得幾靚，但係個皮白白地以為唔脆，原來係脆脆米黎，脆得黎唔油最驚喜係蟹鉗真係有蟹！個羹就普通野，冇特別。雞炸得脆，可惜肥高多。個魚蒸得唔錯，滑得黎好夠味，腩黎略肥。清菜真係幾清，正常野。糯米偏濕偏淋，口感麻麻，不過味道就尚可，料都多。甜品係蛋散，都幾特別，都好食既，入口即浴，輕化得黎唔太甜。總結來說，擺幾圍宴客都可以，食物尚可。