Cobber Noodle and Waffle

營業中

休息中

食物質素唔錯但服務認真唔掂。店員叫客人係店鋪出面等候，但有位都唔會叫你。而且外面走廊位雖然有凳但夏天係好焗同好熱。我等左20分鐘，直到我入去問先知被人遺忘左。如果你要食呢間係要自己check住有冇位，因為店員係唔會理你。講翻食物，味道算係唔錯。份海膽意大利粉味道濃郁，意粉都煮得恰到好處，算係今餐最出色既一道菜。炸魷魚味道就比較普通，感覺冇乜調味。雞翼相對出色好多。最後係期望最高既waffle，我叫左個椰子雪糕+伯爵茶waffle，雪糕比較淡而且我覺得椰子味有啲怪。但waffle好出色，餅身夠脆，伯爵茶味好濃，如果揀雲尼嗱雪糕應該會再夾啲。整體黎講呢間都值得推薦，希望佢地員工可以改善一下客人等候既問題，唔好掉低客人出去就唔理。