和田日本料理 (已結業)

6:45pm 同老公兩人行經佐敦，我突然好想食日本野，老公就提議去呢間，上到去唔使等有位〜每次幫襯和田，首選一定係虎蝦及馬刀貝刺身，虎蝦肉質厚實，尚算鮮甜，必定食番兩、三打至夠喉，馬刀貝夠甜夠爽，都會食番一、兩打！次選係海膽高湯翅，用竹筒上，賣相可愛，尚算足料，好味道，𣎴過食一客就夠，要留肚食其它〜 跟住推介汁燒牛肋骨，其實即係燒牛仔骨，熟得黎唔韌唔乾，好好味〜 仲有，凍食嘅蒜香茄子，味道都好好，好清新〜 如果食滯左，不妨叫杯麥茶或者食舊燒菠蘿消消滯，咁就可以繼續試食多D款式啦〜 最後一定會食番四球雪糕(兩球紅豆、兩球綠茶)至收手〜 其實呢度D食物都有好多款式揀，好似炸物、燒物、炒菜菇、鍋物...... 等等，呢個價錢算係好抵食〜