Flame at Towngas Avenue (已結業)

家中剛買爐具有400蚊coupon,於是訂位一試呢間。去到時間較早約6點15分，counter無人以為佢未開門，等左一陣再直接走入餐廳原來已開。餐廳內環境ok,可以望到海境，西九icc果邊。點了凱薩沙拉，質素一般，菜用最普通生菜，餐包反而幾好，裡面混有煙肉乾。主菜叫了羊架，羊不算太羶，但有點太生，要order佢再翻煮一次，羊架上醬汁就做得好好，好惹味，仲另有芥辣同薄荷醬提供。另叫了野菌意大利飯，剛上時好美味，菇味香濃，但擺耐左少少會變硬同痴埋一舊，意大利飯通病...埋單600幾蚊，略貴，如果自己岑荷包就不會黎