不過最深刻的都係一間食泰國越南菜的餐廳呢!!
那天一行7人去完海洋公園,玩得累累,正當大家非常肚餓的時間,
有位朋友提到佢屋企附近有間新開的泰國越南菜的餐廳,
大家二話不說就決定去......
佐敦站沿路行去時都有好多餐廳啊,行左大約10mins終於到,見到都好似幾多人咁,心諗唔係要等話,入到去原來唔使等,因為間野都ok大啦.
不但餐牌的野食有相睇,連牆上更掛了很多食物相片供參考,真的很吸引喔.
由於very肚餓同有三個男仔,所以叫左都幾多野食!!
燒牛肉木瓜沙律~$4x ..賣相很別緻, d牛肉味道幾特別,d木瓜絲沙律辣辣地,好個癮..好味!
招牌炭燒豬頸肉~$4x...個人認為最好吃的菜！雖然係燒的,但唔太乾身,燒得剛剛好,仲香噴噴,加埋d專點豬頸肉的醬汁,味道簡直一流.....停不了...
青檸汁明爐魚~$9x...最開胃的一道...酸味同辣味的湯滲入條魚度,有個魚形的爐滾下滾下咁,好鬼得意,..見到好多香料,但唔多知係咩,大概係泰國香料吧...我們連d湯都飲埋,因為真係好～ｙｕｍｍｙ..香噴噴的感覺好正好吸引呢！！
馬拉盞炒通菜~3x~~炒得好香,有鑊氣,正!
海南雞飯套餐加埋特色飲品青檸梳打都係$35
~~d海南雞好嫩,好滑,無骨嫁,d汁又係好鬼好味....個餐真係便到笑..寫住全日供應...下次自己黎食都得....:
海鮮濕炒河套餐加埋特色飲品青檸梳打,又係$35....無食過咩濕炒河.所以叫黎食下,唔錯呢,有汁,我覺得好食過平時食的乾炒河...青檸梳打酸甜度適中,梳打夠氣.
泰越拼盤$8x~~有炸蝦餅,越南春捲,香茅豬排,串燒,同粉捲......美味香口!
咖哩炒蟹$1xx~~大大隻...d咖哩汁超好吃，必試！記得點蒜茸包沾咖哩吃喔!蒜茸包夠熱、蒜茸好香、個包又脆!正
心形椰汁西米糕~~~送的~~心形好有心思.....
呢度d設計都真係幾有泰國 feel,仲見到有泰王的相;牆上更掛了很多食物相片,令人涶涎三尺;
環境舒適整潔,座位都好寬敞,7個人都唔會迫,一大班人開party都得ar,同上次去九龍城個間真係大相徑廷lor,仲有有電視睇呢,服務都不錯......賣單$5xx,一人$8x,便喔!~~~~
一一一一定再黎食
p.s d相影得唔太好,,有d又唔記得影,希望大家唔介意
