全記點心專門店 (已結業)

平時食開第二間點心店，但係由於疫情嗰間冇做堂食，上OpenRice搵吓荃灣有邊間係食點心嘅，就搵到呢間全記，咁都好評，仲要係黃店，就即刻去試吓～點知大部份點心都相當普通甚至可以講唔好食，都唔知啲好評點樣走出黎嘅。唯一覺得好食嘅就係古法馬拉糕$21，又香又鬆軟。鳳爪唔太入味，叉燒腸粉$25啲皮厚到阿媽都唔認得，每條腸粉入邊得勁少叉燒，千祈唔好食。然後飲嘅茶仲要係陸羽茶包，好鬼Hea...仲要排隊，真係一次就夠。